Code in the Dark

29 Ապր 2018
Buro

Մրցույթը հաքաթոնի ֆորմատի սպորտային տարբերակն է
Գրանցվել

Դավիթ Յան

ABBYY

ABBYY համակարգչային ծրագրերի ընկերության հիմնադիր, Lingvo էլ. բառարանի ստեղծող

Նինա Աչաջյան

HIVE

HIVE ներդրումային հիմնադրամի հիմնադիր

Րաֆֆի Գրիգորյան

U.S. Democratic National Committee

ԱՄՆ դեմոկրատական կուսակցության ազգային հանձնաժողովի գլխավոր տեխնոլոգիական տնօրեն (CTO)

Լիանա Կորկոտյան

Microsoft Armenia

«Մայքրոսոֆթ»-ի հայաստանյան ներկայացուցչության տնօրեն

Zangi

Անվճար HD տեսազանգեր,չաթ

Velopark

Հեծանվային կայանատեղիների, սպասարկման կետերի որոնում

Eye Care Plus

Ստուգել եւ մարզել տեսողությունը

Dictoro

Սպորտային հանդիպումների հաշիվների կանխատեսում

Chessfimee

Շախմատի խաղատախտակի սքանավորում եւ վերլուծություն

CityNabz

Ժամանցային միջոցառումների տեղեկատու

OutChat

Ծանոթանալ եւ հանդիպել 24 ժամ անց

Cartly

Մթերքի օնլայն գնում

StartDoon-ը կապ կստեղծի ՀՀ ստարտափների եւ եվրոպացի մենթորների միջեւ

Փարիզում արդեն մի քանի ամիս է, ինչ գործում է հայ-ֆրանսիական StartDoon նախաձեռնությունը, որի նպատակն է կապել հայաստանյան ստարտափներին օտարերկրյա (մասնավորապես՝ ֆրանսիացի) մենթորների հետ:

Itel.am-ը նոր նախաձեռնության շուրջ զրուցել է StartDoon-ի հիմնադիր Ֆիլիպ Փուի հետ:

- Ինչպիսի՞ աջակցություն է StartDoon-ը ցուցաբերելու հայաստանյան ստարտափներին:

- StartDoon-ի կազմում ընդգրկված են արտերկրից մենթորներ, մարդիկ, որոնք կարող են օգնել հայաստանյան ստարտափներին՝ դուրս գալու գլոբալ շուկաներ:

Գումարն այստեղ ամենակարեւորը չէ. ստարտափներն ունեն աջակցության, թրեյնինգի կարիք: Եթե մեր ցանցում առկա մենթորները հանդես գան նաեւ որպես ներդրող, ապա շատ ավելի լավ: Սակայն կարեւոր է հենց մենթորություն անելու գործոնը:

Նախաձեռնության գաղափարն առաջացավ մի քանի ամիս առաջ, իսկ առաջին միջոցառումն իրականացրինք Երեւանում՝ հունիսի վերջին: Էստոնական Startup Wise Guys աքսելերատորի հետ համատեղ Մայքրոսոֆթ ինովացիոն կենտրոնում կազմակերպեցինք մենթորային օր՝ Հայաստանից 13 ստարտափի համար: Ես եւ իմ ֆրանսիացի գործընկերները, վերադառնալով Ֆրանսիա, ներդրողների եւ մենթորների հետ կիսվում ենք հայաստանյան ՏՏ ոլորտի մասին մեր տպավորություններով:

- Որքա՞ն ժամանակ եք հետեւում Հայաստանում ստարտափ շարժման զարգացմանը:  
 
- Բավական տեւական ժամանակ է, ինչ հետաքրքրվում եմ Հայաստանում ՏՏ ոլորտով, եւ ականատես եմ հետեւյալին. երբ ստարտափը հաջողության է հասնում, ապա միանգամից ամերիկյան շուկա է ուղղվում: Մենք ցանկանում ենք, որ նման ստարտափները գան Եվրոպա եւ չմտածեն միայն ամերիկյան շուկայի մասին:

Ես ֆրանսիացի եմ, սակայն ակտիվ գործունեություն եմ իրականացնում հայ համայնքում: Առաջին անգամ Հայաստան այցելեցի 4 տարի առաջ: «Թումո» կենտրոն այցը ինձ համար իսկական շոկ էր: Վերադարձա Ֆրանսիա եւ համայնքի հետ կիսվեցի տպավորություններով, պատմեցի, որ Հայաստանում իրոք կարեւոր բաներ են կատարվում:

Սփյուռքում շատերը ծանոթ են Հայաստանի պատմությանը, բայց ոչ բոլորը գիտեն, թե իրականում ինչ է կատարվում հայրենիքում այս պահին: Հայաստանն ունի կրեատիվություն եւ ներուժ, իսկ StartDoon-ը՝ սփյուռքից մենթորների ցանց: Հայ երիտասարդներն ունեն մեծ էներգիա, նրանց միայն պետք է օգնել փորձով, աջակցել դռները բացելու ճանապարհին: Եվ հնարավոր է՝ միասին կկարողանանք հիանալի ցանց ստեղծել:   

Մենք հետաքրքրված ենք բոլոր ստարտափներով: Մեզ հետ համագործակցությամբ հետաքրքրված թիմերը կարող են գրել մեզ սոցցանցերի կամ մեր կայքի միջոցով:

Ֆիլիպ Փուի հետ զրուցել է Նարինե Դանեղյանը

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo